बीडचे सरपंच संतोष देशमुख यांच्या हत्याकांडात खंडणी प्रकरणातील मकोका लागला आरोपी वाल्मिक कराड याची जामीन मिळावा म्हणून धडपड सुरू आहे. आज त्याच्या जामीन अर्जावर केजच्या सत्र न्यायालयात सुनावणी होणार होती. मात्र कराडच्या वकीलांनी मागणी केल्यानंतर आता या अर्जावर २३ जानेवारीला सुनावणी होणार आहे.

बीडचे माजी सरपंच संतोष देशमुख यांच्या हत्येत आरोपी असलेल्या वाल्मिक कराड याची सध्या चौकशी सुरू असून तो कोठडीत आहे. त्याला न्यायालयीन कोठडी सुनावल्यानंतर कराडने जामीनासाठी अर्ज केला होता. त्यावर आज सुनावणी होणार होती. त्यामुळे केजच्या सत्र न्यायालयाकडून काय निर्णय घेतला जाणार याकडे सगळ्यांचं लसख होतं. सीआयडीने त्याच्या या जामीन अर्जावर आक्षेप घेतला असून या प्रकरणाच्या अधिकच्या चौकशीसाठी त्याला कोठडीत ठेवण्याची मागणी केली आहे. त्याच्यावर या प्रकरणी मकोका देखील लावण्यात आलेला आहे. दरम्यान, या अर्जावरची सुनावणी पुढे ढकलण्याची विनंती वाल्मिक कराडच्या वकीलांनी केली होती. त्यामुळे आता ही विनंती मान्य करून न्यायालयाने याबद्दलची सुनावणी २३ जानेवारीला ठेवली आहे.