सरपंच संतोष देशमुख हत्याकांडातील खंडणी प्रकरणाचा आरोपी असलेल्या वाल्मिक कराड याच्या समर्थकांनी बीडच्या केज तालुक्यात आंदोलन सुरू केलं आहे. त्यामुळे कराडचे समर्थक पुन्हा आक्रमक झाले आहेत. केज-नांदुर रस्त्यावर टायर जाळून समर्थकांनी वाल्मिक कराड याच्यावरील खोटे गुन्हे मागे घेण्याची मागणी केली आहे.

संतोष देशमुख यांच्या हत्या प्रकरणात खंडणीच्या वादावरून पोलीस कोठडीत असलेल्या वाल्मिक कराड याच्यावर मकोका लावण्यात आलेला आहे. त्यानंतर कराडचे समर्थक आक्रमक झालेले आहे. त्यामुळे बीड जिल्ह्यात तणावाचं वातावरण आहे. आज देखील केज तालुक्यात कराडच्या समर्थकांनी केज-नांदुर रस्ता अडवून धरत आंदोलन केलं. यावेळी टायर पेटवून घोषणाबाजी देखील करण्यात आली.