बीड नगरपालिकेत कोण नगराध्यक्ष होणार आणि कुणाची सत्ता येणार याकडे सर्वांचे लक्ष लागले आहे. बीडमध्ये राष्ट्रवादी काँग्रेस (शरद पवार गट) यांच्या स्मिता वाघमारे या संभाव्य नगराध्यक्ष म्हणून पुढे येत असल्याचे चित्र सध्या दिसत आहे.

बीडमधील हा निकाल अत्यंत महत्त्वाचा मानला जात असून राष्ट्रवादी काँग्रेस (शरद पवार गट) कडून स्मिता वाघमारे यांच्या नगराध्यक्ष होण्याची दाट शक्यता वर्तवली जात आहे. सध्याच्या कलानुसार बीड नगरपालिकेत सत्ता राष्ट्रवादी काँग्रेस (शरद पवार गट) यांच्या हाती जाण्याची शक्यता आहे. या पक्षाला बीडमध्ये सुमारे पंधरा जागा मिळण्याची शक्यता असून, त्यामुळं नगरपालिकेवर राष्ट्रवादी शरद पवार गटाची सत्ता स्थापन होऊ शकते, असं सध्या दिसून येत आहे.