बीड : समाजाची आकडेवारी कशी निघते, ते मला तरी काही कळत नाही, कारण जनगणनाच झालेली नाही, असं म्हणत अप्रत्यक्षपणे धनंजय मुंडे यांनी जरांगे पाटील यांच्यावर पलटवार केलाय. काहींनी जातीय रंग देण्याचा प्रयत्न केला होता आणि समाजाची आकडेवारीही सांगितली होती, यावरुन धनंजय मुंडे यांना प्रश्न विचारण्यात आला होता. त्यावर बोलताना धनंजय मुंडे यांनी सूचक विधान केलंय. गेले ४५ दिवस जे कष्ट घेतले होते, त्याचं फळ नक्कीच मिळेल, असा विश्वासही त्यांनी व्यक्त केला. मतदानाचा हक्क बजावल्यानंतर धनंजय मुंडे यांनी माध्यमांशी संवाद साधला. ते बीडमध्ये पत्रकारांशी बोलत होते. पंकजा मुंडे यांना निवडून आणण्यासाठी पूर्णपणे प्रयत्न करणार असल्याचं धनंजय मुंडे यांनी म्हटलंय.