Sambhajinagar Waterfall News | छत्रपती संभाजीनगर जिल्ह्यातील काही भागात पावसाळ्याच्या सुरुवातीलाच पावसानं दमदार हजेरी लावलीय. पहिल्याच पावसात संभाजीनगर, पैठण, फुलंब्री तालुक्यातील नद्या वाहू लागल्या आहेत. शिवाय बंधारे तुडुंब भरले आहेत. छत्रपती संभाजीनगर जिल्ह्यात पावसामुळे सुंदर दृश्य दिसतंय. कचनेर येथील धारेश्वर मंदिर देवस्थान जवळील धबधबा पहिल्याच पावसात ओसंडून वाहत आहे. हा धबधबा बघण्यासाठी दरवर्षी छ.संभाजीनगर सह पैठण तालुक्यातील हजारो पर्यटक बघण्यासाठी येतात. हा धबधबा गेल्या अनेक वर्षांनंतर पहिल्याच पावसात वाहत असल्याने आज सकाळ पासूनच निसर्गप्रेमी पर्यटक धबधबा बघण्यासाठी येथे गर्दी करीत आहे.