Bhiwandi News: भिवंडी तालुक्यात फोफावलेल्या गोदाम व्यवसायात मोठ्या प्रमाणावर अनधिकृतपणे मुदतबाह्य तसेच घातक असलेल्या साहित्यांचा साठा करून ठेवला जात आहे. अशाच एका गोदामाची माहिती भिवंडी पोलीस उपायुक्त डॉ.श्रीकांत परोपकारी यांना गुप्त बातमीदाराने दिल्यानंतर शांतीनगर पोलिसांच्या विशेष पथकाने नारपोली पोलिस ठाणे हद्दीतील ओवळी ग्रामपंचायत हद्दीतील गोदामावर छापा मारून तिथून सव्वा कोटी रुपयांचा मुदतबाह्य झालेला खाद्य व सौंदर्य प्रसाधने याचा साठा जप्त केला आहे. अशी माहिती पोलिस उपायुक्त डॉ श्रीकांत परोपकारी यांनी पत्रकार परिषदेत दिली आहे.