बाळासाहेब ठाकरे यांच्या स्मारकासंदर्भात मोठी अपडेट समोर येत आहे. उद्धव ठाकरे यांच्याकडून बाळासाहेब ठाकरे यांच्या स्मारकाच्या कामाची पाहणी करण्यात आली आहे. स्मारकाच्या बांधकामाचे काम जवळपास पूर्ण झाले असून स्मारकाचा लोकार्पण सोहळा २३ तारखेपर्यंत व्हावा असं मत उद्धव ठाकरे यांनी व्यक्त केलं आहे. यावर शिंदे गटाचे नेते शंभुराज देसाईंची प्रतिक्रिया समोर आली आहे. स्मारकाचा लोकार्पण सोहळा दिमाखदार करणार असल्याचं शंभुराज देसाईंनी सांगितलं आहे. वंदनीय बाळासाहेबांच्या नावाला,कार्याला आणि कतृत्वाला शोभेल असा लोकार्पण सोहळा सरकारकडून करण्यात येणार असल्याचं देसाई म्हणाले.