आज सर्वत्र नगरपरिषद आणि नगरपंचायतीच्या निवडणुकींची रणधुमाळी सुरू आहे. सकाळपासूनच मतदान करण्यासाठी बूथबाहेर बदलापुरकरांनी रांगा लावल्या आहेत. मात्र, मतदानाच्या दिवशीच भाजप आणि शिवसेनेचे कार्यकर्ते भिडले. ही घटना बदलापूर पश्चिम गांधी नगर टेकडी एसटी बस स्टॅण्डजवळ घडली.

काही कारणास्तव बस स्टॅण्डजवळ भाजपा-शिवसेना कार्यकर्त्यांमध्ये जुंपली. या घटनेनंतर काही काळ परिसरात गोंधळ उडाला होता. तसेच तणावाचे वातावरण निर्माण झाले होते. वाद अधिक चिघळल्यानंतर बदलापूर पोलीस तातडीने घटनास्थळी दाखल झाले. त्यांनी गर्दीला पांगवण्याचा प्रयत्न केला. तसेच वाद मिटवण्याचा प्रयत्न केला. या घटनेचा व्हिडिओ सध्या समाजमाध्यमांमध्ये व्हायरल होत आहे.