नाशिकच्या सिन्नर मध्ये कोट्यावधींच्या रस्त्याची अवघ्या महिनाभरात दुरावस्था झाली असल्याची माहिती समोर येत आहे. तब्बल ६ कोटी ४१ रुपये खर्चून महिनाभरापूर्वी पूर्ण झालेल्या रस्त्याच्या गुणवत्तेची पोलखोल झाली आहे. डांबराचा थर हाताने देखील निघत आहे. सिन्नर तालुक्यातील वावी ते शहा या गावांना जोडणाऱ्या रस्त्याचे काम महिनाभरापूर्वी पूर्ण झालं. सदर रस्ता मुख्यमंत्री ग्रामसडक योजनेतील असून महिनाभरात उखडला गेला आहे. रस्त्याच्या कामावर नियंत्रण ठेवणारं बांधकाम विभाग आणि ठेकेदार यांची चौकशी करावी अशी मागणी ग्रामस्थांकडून केली जात आहे.