भाजपाचे नेते राज्याचे कॅबिनेट मंत्री राधाकृष्ण विखे पाटील यांनी शेतकऱ्यांच्या कर्जमाफी संदर्भात एक वादग्रस्त वक्तव्य केलं होतं. या वक्तव्यानंतर प्रहार संघटनेचे अध्यक्ष बच्चू कडू आक्रमक झाले आहेत. जो राधाकृष्ण विखे पाटील यांची गाडी फोडेल. त्याला 1 लाख रुपयाचे माझ्याकडून बक्षीस दिले जाईल अशी घोषणा बच्चू कडू यांनी केली. आणि मला जर विखे पाटलांची गाडी दिसली तर मी त्यांची गाडी फोडणार असा इशारा देखील बच्चू कडू यांनी दिला.

नाव राधाकृष्ण, कृत्य मात्र कंसाचं करायचे असेल तर कंसाची ही अवलाद मुख्यमंत्र्यांनी हाकलून लावली पाहिजे अशी मागणी सुद्धा त्यांनी केली. फडवणीस साहेब एकीकडे कर्जमाफीची घोषणा करता आणि वाचाळविळ मंत्री असे वक्तव्य करत आहे. शुकरमाना लोक तुम्हाला मारत नाही त्यामुळे ही नालायकी थांबवा अशी प्रतिक्रिया बच्चू कडू यांनी दिली.