गोंदियाचे पालकमंत्री आणि सहकारमंत्री बाबासाहेब पाटील यांनी आपल्या पदाचा राजीनामा दिला आहे. आरोग्याच्या कारणास्तव त्यांनी उपमुख्यमंत्री अजित पवारांकडे राजीनामा पाठवला आहे. त्यांच्या जागी आता इंद्रनील नाईक गोंदियाचे नवीन पालकमंत्री असण्याची शक्यता वर्तवली जात आहे. वरळी येथे पार पडलेल्या अजित पवार यांच्या जिल्हाध्याकक्षांच्या बैठकीत ही घोषणा करण्यात आली आहे.काही दिवसांपूर्वी नागपूर येथील पक्षाच्या शिबिरात प्रफुल पटेल यांनी पालकमंत्री जिल्ह्यात क्वचितच येतात अशी टीका केली होती. त्यानंतर झालेल्या या फेरबदलांची राजकीय वर्तुळात चर्चा सुरू झाली आहे. बाबासाहेब पाटील यांच्या राजीनाम्याने गोंदियाच्या राजकरणात नवा अध्याय सुरु झाला आहे.