विकास काटे, साम प्रतिनिधी, ठाणे

मुंब्रा इथल्या मिलेनियम पार्क इथं रिक्षा चालकांमध्ये तुफान हाणामारी झाली. एका रिक्षा चालकाला चार ते पाच रिक्षा चालकांनी बेदम मारहाण केली. मुंब्रा पोलीस स्टेशनपासून काही अंतरावरच हाणामारीची ही घटना घडली. मारहाण झालेल्या रिक्षा चालकाने मुंब्रा पोलीस ठाण्यात तक्रार दाखल केली. मारहाण करणाऱ्यांविरोधात गुन्हा दाखल करण्यात आला आहे.

मुंब्रा येथील मिलेनियम पार्क येथे ही घटना घडली. चार ते पाच रिक्षा चालकांनी एका रिक्षाचालकाला मारहाण केली. या घटनेने एकच खळबळ उडाली. पोलीस ठाण्यापासून काही अंतरावरच ही हाणामारीची घटना घडली. एका रिक्षा चालकाचा अन्य रिक्षाचालकांशी वैयक्तिक कारणावरून वाद झाला. बाचाबाचीचं पर्यावसन हाणामारीत झालं. घटनेवेळी बघ्यांची मोठी गर्दी झाली होती. या घटनेनंतर मुंब्रा पोलिसांत मारहाण झालेल्या रिक्षा चालकाचा जबाब नोंदवण्यात आला. पुढील तपास मुंब्रा पोलीस करत आहेत. ही घटना अंतर्गत वादामुळं झाली, अशी माहिती पोलिसांनी दिली. या प्रकरणी चार ते पाच जणांविरोधात गुन्हा नोंदवण्यात आला आहे.