सागर आव्हाड, इंदापूर

विठुरायाच्या दर्शनाची आस लागली आहे. विठ्ठलाचं मनोहर रूप डोळ्यांत साठवण्यासाठी वारकरी आतूर झालाय. देशभरातली तसेच महाराष्ट्रातील वारकरी पंढरीकडं कूच करत आहे. आपल्या लाडक्या विठुरायाचं दर्शन तर प्रत्येकाला होणारच आहे, पण त्याआधीच पंढरीच्या वाटेवर मायमाऊलींच्या रुपानं विठ्ठल भेटल्याची प्रचिती येत आहे. खरंतर वारीत सहभागी झालेल्या वारकऱ्यांना जेवण कसं मिळतं, कोण तयार करतं? शेकडोच्या संख्येने वारीत सहभागी झालेल्या वारकऱ्यांना जेवण कोण बनवून देतं, असा प्रश्न पडतोच. पण हा व्हिडिओ बघून त्याचं उत्तर नक्की मिळेल. संत गुलाब बाबा प्रासादिक दिंडीत सहभागी झालेल्या मायमाऊलींनी रस्त्याच्या कडेला थांबून वारकऱ्यांसाठी खास पिठलं भाकरी केलीय. अभंग, गवळण गात या वारकरी महिला इतर वारकऱ्यांसाठी स्वयंपाक करत आहेत.