पिंपरी चिंचवड शहरात शालेय विद्यार्थ्यांसाठी आषाढी वारीतील पारंपारिक वेशभूषा स्पर्धा आयोजित करण्यात आली. वारकरी संप्रदायातील संतांचे विचार आणि वारकऱ्यांचे आचार बालपणातच विद्यार्थ्यांच्या जीवनावर कोरले जावे या उद्देशाने ही स्पर्धा पिंपरी चिंचवड महानगरपालिका, पिंपरी चिंचवड स्मार्ट सिटी आणि पिंपरी चिंचवड सारथी ॲप आणि रिलायन्स स्मार्ट बाजार यांच्या संयुक्त विद्यमाने आयोजित करण्यात आली. पिंपरी चिंचवड महापालिकेच्या आटो क्लस्टर सेंटर येथे काल या स्पर्धेची अंतिम फेरी पार पडली. या स्पर्धेत शाळकरी विद्यार्थ्यांनी ज्ञानोबा, तुकोबा, सोपान, मुक्ताबाई, नामदेव आणि एकनाथ महाराज तसेच विठ्ठल-रुक्माई यांची वेशभूषा धारण करून त्यांचे विचार लोकांपुढे मांडण्याचा प्रयत्न केला आहे. तसेच स्पर्धेत सहभागी झालेल्या शाळकरी विद्यार्थ्यांना प्रोत्साहन देण्यासाठी स्मार्ट बाजारच्या वतीने या स्पर्धेतील वेगवेगळ्या वयोगटातील स्पर्धकांना प्रथम, द्वितीय आणि तृतीय अशी पुरस्कार राशी वितरित केली आहे.