गँगस्टर लॉरेन्स बिश्नोईचा भाऊ अनमोल बिश्नोई याला अमेरिकेतून भारतात आणल्यानंतर अटक करण्यात आली आहे. राष्ट्रवादी काँग्रेसचे नेते बाबा सिद्दीकी यांच्या हत्येप्रकरणी तो एक प्रमुख आरोपी आहे. वृत्तानुसार, अभिनेता सलमान खानच्या घरावर झालेल्या गोळीबारात आणि पंजाबी गायक सिद्धू मुसेवाला यांच्या हत्येतही त्याचा सहभाग होता. एप्रिल २०२४ पासून तो कॅलिफोर्नियामध्ये गोल्डी ब्रारसोबत राहत असल्याची माहिती होती. भारतात त्याच्यावर 32गुन्हे दाखल असून तो 19 प्रकरणांमध्ये वॉन्टेड होता. राष्ट्रीय तपास यंत्रणेने (NIA) अनमोल बिश्नोईची माहिती देणाऱ्यासाठी दहा लाख रुपयांचे बक्षीस जाहीर केले होते.