माजी गृहमंत्री अनिल देशमुख यांचे पुत्र सलील देशमुख विधानसभा निवडणुकीच्या रिंगणात उतरणार असल्याची माहिती सूत्रांनी दिली आहे. सलील देशमुख हे अमरावती जिल्ह्यातील वरुड मोर्शी मतदारसंघातून निवडणूक लढवण्याची शक्यता आहे.

विधानसभेला नवा चेहरा देण्यासाठी महाविकास आघाडीचे पदाधिकारी आग्रही असल्याने पदाधिकाऱ्यांच्या आग्रहास्तव नवीन चेहरा म्हणून माजी गृहमंत्री अनिल देशमुख यांचे पुत्र सलील देशमुख यांना उमेदवारी मिळण्याची शक्यता वर्तवली जात आहे. विद्यमान आमदार देवेंद्र भुयार यांच्या विरोधात सलील देशमुख सामना होण्याची शक्यता आहे. वरुड मोर्शीत माजी मंत्री हर्षवर्धन देशमुख आणि माजी आमदार नरेशचंद्र ठाकरे यांच्या वादाचा सलील देशमुख यांना फायदा होण्याची शक्यता आहे. तसेच हा मतदारसंघ काटोल मतदारसंघाला लागून असल्याने त्याचाही फायदा त्यांना होऊ शकतो.