अमरावती : नवनीत राणा यांच्या अडचणीत वाढ होण्याची शक्यता आहे. माजी मंत्री आनंदराव अडसूळ यांनी पुन्हा एकदा नवनीत राणा यांच्या विरोधात कोर्टात जाण्याची तयारी केली आहे. सर्वोच्च न्यायालयाने नवनीत राणा यांच्या जात वैधता प्रमाणपत्राचा दिलेला निर्णय अयोग्य असल्याचा आरोप अडसूळ यांचा आहे. नवनीत राणा यांना दिलेल्या जात वैधता प्रमाणपत्र रद्द करण्यासाठी पुन्हा एकदा सर्वोच्च न्यायालयात क्युरेटिव्ह पिटीशन याचिका दाखल करणार असल्याचा इशारा माजी मंत्री आनंदराव अडसूळ यांनी दिला आहे. यामुळे माजी खासदार नवनीत राणा यांच्या अडचणीत वाढ होण्याची शक्यता व्यक्त करण्यात येत आहे.