पहलगाम हल्ल्यानंतर भारताने ऑपरेशन सिंदूर राबवत अनेक दहशतवाद्यांचा खात्मा केला. यानंतर भारत आणि पाकिस्तानमध्ये मोठ्या प्रमाणात तणावाची परिस्थिति निर्माण झाली होती. यानंतर या युद्धाला विराम लागला मात्र आज अचानक पंजाब राज्यातील अमृतसरमधील मजीठा बायपासजवळ एक मोठा स्फोट झाला आहे.

एक इसम या परिसरात बॉम्ब ठेवण्यासाठी आला होता. मात्र बॉम्ब हा त्याच्या हातातच फुटल्याचे वृत्त समोर आले आहे. या स्फोटात हा इसम गंभीर जखमी झाला होता. यावेळी त्याला तातडीने रुग्णालयात दाखल ककरण्यात आले. मात्र उपचारदारम्यान त्याचा मृत्यू झाला. दरम्यान या स्फोटाचा आवाज ऐकल्याने आसपासचे लोक घटनास्थळी दाखल झाले आणि त्यांनी तात्काळ पोलिसांना माहिती दिली. पोलिसांनी स्फोट झाला त्या ठिकाणी तपास सुरू केला आहे.