स्थानिक स्वराज्य संस्थांच्या निवडणुकीचे पडघम वाजताच अमरावतीमध्ये नव्या वादाने वळण घेतले आहे. दहा नगरपरिषद दोन नगरपंचयातींच्या निवडणुकीसाठी आचारसंहिता लागू असतानाच निवडणुक काळात मोठा वाद निर्माण झाला आहे. गेल्या काही दिवसांपूर्वी शहरात आय लव्ह मोहम्मदचे पोस्टर लागल्यानंतर आता विचारा इस्लामाविषयी ( ask about islam) असा मजकूर असल्याचे होर्डींग्ज भर रस्त्यात लागले आहे. यावरच भाजपचे खासदार डॉक्टर अनिल बोंडे यांनी तीव्र आक्षेप घेतला आहे.

अमरावती शहराच्या पंचवटी चौकासह इतर मुख्य चौकात सध्या इस्लामिक इन्फॉर्मेशन सेंटर महाराष्ट्राचे फलक लागल्याचे पाहायला मिळत आहे. या फलकावर 'विचारा इस्लामाविषयी? असा मजकूर लिहिला आहे. भाजप खासदार अनिल बोंडे यांनी या टोलफ्री क्रमांकावर फोनही केला. हैदराबादवरुन ही संस्था चालवली जात असल्याची माहिती त्यांना देण्यात आली.