अमरावती : 'थापाड्यांची, खोटारड्यांची भ्रमाची लंका जाळण्यासाठी आम्ही सगळे एकत्र आलेलो आहोत' असं विधान करत उद्धव ठाकरे यांनी नवनीत राणांवर टीका केली. ते अमरावतीत आयोजित करण्यात आलेल्या प्रचारसभेत बोलत होते. उद्धव ठाकरेंसोबत शरद पवार यांनीही नवनीत राणांवर निशाणा साधला. नवनीत राणांच्या उमेदवारीवरुन एकदा झालेली चूक पुन्हा कधीच होणार नाही, असं शरद पवार यांनी यावेळी म्हटलं. नवनीत राणांविरोधात महाविकास आघाडीनं अमरावतीत जोरदार शक्तिप्रदर्शन केलं. यावेळी घेण्यात आलेल्या सभेत महाविकास आघाडीच्या दिग्गज नेत्यांनी राणांवर सडकून टीका केली.