अमरावती शहरात एक चकित करणारी घटना घडली असून, ती सोशल मीडियावर मोठ्या प्रमाणावर चर्चेचा विषय ठरली आहे. एका मद्यधुंद इसमाचा दुचाकी अपघात पुलावर झाला आणि तो थेट ७० फूट उंचीवरून खाली कोसळला. मात्र, सर्वांना आश्चर्याचा धक्का देणारी बाब म्हणजे तो इसम खाली पडूनही गंभीर जखमी न होता स्वतःच्या पायावर उभा राहिला आणि आपल्या गाडीच्या दिशेने चालत गेला.

ही घटना अमरावतीहून परतवाडा येथे जात असताना घडली. अपघातानंतर घटनास्थळी काही वेळातच गर्दी झाली. उपस्थित नागरिकांना प्रथम तर हा इसम मृत झाला असं वाटलं, पण काही क्षणांत तो उठून चालताना दिसल्याने सर्वजण थक्क झाले.अपघाताचा थरारक व्हिडिओ आता सोशल मीडियावर वेगाने व्हायरल होत असून, अनेकांनी याला जिवंत चमत्कार असं म्हटलं आहे.