Amit Shah wants to become Deputy Prime Minister : अमित शह यांना तात्काळ उपपंतप्रधान व्हायचंय, पण पंतप्रधान मोदी यांनी त्यांच्या या मागणीलाच नकार दिला आहे, असा खळबळजनक दावा उद्धव ठाकरेंच्या शिवसेनेचे खासदार संजय राऊत यांनी केला आहे. संजय राऊतांच्या या दाव्यानंतर देशातील राजकारणात खळबळ उडाली आहे. राऊतांचा दाव्यावर भाजपकडून तिखट प्रतिक्रिया येण्याची शक्यता व्यक्त केली जात आहे.

खासदार संजय राऊत यांनी अमित शाह यांच्या संसदेतील अनुपस्थितीवर बोट ठेवताना म्हटले की, "अमित शाह यांना संसदेत येण्यापासून कोणी रोखले आहे? मुळात अमित शाह आणि नरेंद्र मोदी यांच्यामध्ये मतभेद आहेत, असा दावा राऊतांनी केलाय.

अमित शहांना देशाचं तात्काळ उपपंतप्रधान व्हायचं आहे आणि मोदींनी त्याला नकार दिलाय. ही माझी बातमी आहे. मला उपपंतप्रधान पदी ताबडतोब नवीन रचनेमध्ये घोषित करा, मी तुमचा वारसदार म्हणून मला घोषित करा, असे शाह म्हणाले. पण मोदींनी त्याला स्पष्ट नकार दिलेला आहे. हे जे मी सांगतो आहे, हे १०० टक्के सत्य आहे, असे संजय राऊत म्हणाले.