Amit Shah News: अमित शहा यांच्या दोन दिवसाच्या मुंबई दौऱ्यानंतर मुंबई विमानतळावर महत्त्वाची बैठक पार पडलीये. दोन दिवसात अमित शहा यांच्या दौऱ्यात न दिसलेले राज्याचे उपमुख्यमंत्री अजित पवारही बैठकीत उपस्थित होते. बैठकीत मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, राष्ट्रवादीचे नेते प्रफुल्ल पटेल, धनंजय मुंडे, भाजप नेते रावसाहेब दानवे, चंद्रशेखर बावनकुळे, आशिष शेलार उपस्थित होते. अमित शाह यांच्या दोन दिवसाच्या दौऱ्यानंतर विधानसभा निवडणुकीच्या संदर्भात महत्त्वाची बैठक होती. दौऱ्यात महायुतीच्या ताकदी संदर्भात आढावा घेतलाय. त्याचप्रमाणे आगामी निवडणुकीत महायुती कशा पद्धतीने सामोरे जावे यासंदर्भात चर्चा झालीये. महायुतीतले द्वेष बोलून न दाखवण्यासंदर्भात अमित शहा यांनी आदेश दिलाय. लवकरच विधानसभा निवडणुकी संदर्भात दिल्लीतही महत्त्वाची बैठक होणार असल्याची माहिती हाती येतीये. महायुतीच्या जागा वाटपामध्ये प्रत्येकाचा सन्मान राखला जाईल याची खात्री अमित शाह यांनी महायुतीतील इतर घटक पक्षांच्या नेत्यांना दिलीये.