सिन्नरमधील एका लोकप्रतिनिधीचा भोंदू अशोक खरात याच्याशी संपर्क असल्याचा गंभीर आरोप अंधश्रद्धा निर्मूलन समितीने केला आहे. निवडणुकीनंतर नाशिकच्या अंबडमध्ये ठेवण्यात आलेल्या मतदान यंत्रांच्या सुरक्षेसाठी या लोकप्रतिनिधीने जादूटोणा केल्याचा धक्कादायक दावा देखील करण्यात आला आहे. दुसऱ्या उमेदवाराने आपल्या मतदान यंत्रांवर कोणी जादूटोणा करून मतांमध्ये फेरफार करू नये, यासाठी खासगी सुरक्षा रक्षक नेमल्याची माहिती समोर आली आहे, ज्यामुळे या प्रकरणाला आणखीच वेगळं वळण मिळालं आहे.
याशिवाय, भोंदू अशोक खरात हा १९९९ पासून या लोकप्रतिनिधीच्या प्रचारात एक्टिव्ह असल्याचा आरोपही अंनिसने केला आहे. या सर्व आरोपांमुळे राजकीय वर्तुळात मोठी खळबळ उडालीये. यामुळे निवडणूक प्रक्रियेवर प्रश्नचिन्ह निर्माण झालंय. त्यामुळे या संपूर्ण प्रकरणाची सखोल चौकशी करून सत्य समोर आणावं, अशी ठाम मागणी अंधश्रद्धा निर्मूलन समितीकडून करण्यात आलीये.