अकोल्याच्या जिल्हाधिकारी कार्यालयासमोर आमरण उपोषण करणाऱ्या एका आंदोलकाच्या मागणीने सर्व चक्रावून गेलेयेत. या उपोषणकर्त्याने आपला प्रश्न सोडवण्यासाठी थेट अमेरिकेच्या ट्रम्प सरकारला साकडं घातलंय. ट्रम्प सरकारने आपल्या प्रश्नासंदर्भात थेट मोदी सरकारशी चर्चा करून आपल्याला न्याय द्यावा, अशी अफलातून मागणी या उपोषणकर्त्याने केलीये. दामोदर वासुदेव गावंडे असे या उपोषणकर्त्या आंदोलकाचे नाव आहेय. ते अकोला जिल्ह्यातील गोरेगाव बुद्रुक येथील रहिवासी आहे.

गावंडे यांनी 25 वर्षांपासून गावातील गट क्रमांक 112 मधील सरकारी 'इ क्लास' जमिनीवर घर बांधलंय. गावातील अनेक अतिक्रमणधारकांना ग्रामपंचायत आणि तहसील प्रशासनाने हक्क प्रमाणपत्र दिल्याचा दावा गावंडे यांनी केलाय. मात्र, आपल्यावर अन्याय करीत ग्रामपंचायत, तहसील आणि जिल्हाधिकारी कार्यालयाने जागा खाली करण्याची नोटीस दिल्याचं त्यांनी म्हटलंय. अनेकदा शासन दरबारी खेटे मारूनही न्याय मिळत नसल्याने अखेर त्यांनी उपोषणाचा मार्ग अवलंबलाय. जर अमेरिका सरकारच्या सल्ल्याने भारत पाकिस्तानसोबतचं जिंकू शकणार युद्ध थांबू शकतो. तर आपल्या प्रश्नावरही ट्रम्प सरकारने हस्तक्षेप करीन मोदी सरकारला आपल्याला न्याय द्यायला लावावा अशी विनंती त्यांनी अमेरिकेला केलीये.