अकोला जिल्हा नियोजन समितीची आज बैठक प्रचंड वादळी झालीय. पालकमंत्री आकाश फुंडकरांच्या अध्यक्षतेत झालेल्या या बैठकीत सभागृहात आणि सभागृहाबाहेर भाजप आणि ठाकरे गटामध्ये जोरदार राडा, शिवीगाळ आणि एकमेकांच्या अंगावर धावून जाण्याचा प्रकार घडलाय. 36 कोटींच्या दलित निधीच्या मुद्द्यावरून भाजप रणधीर सावरकर आणि ठाकरे गटाचे आमदार नितीन देशमुख यांच्यात सभागृहात जोरदार शाब्दीक बाचाबाची आणि शिवीगाळ झालीय. या घटनेनंतर सभागृहाबाहेर दोन्ही पक्षांचे कार्यकर्ते समोरासमोर आलेय. यावेळी एकमेकांच्या अंगावर धावून जात शिवीगाळ झालीय.

अकोला जिल्हा नियोजन समितीची आजची सभा गाजलीय ती भाजप आणि ठाकरे गटातील राड्यामुळे जिल्हा परिषदेचा 36 कोटींचा निधी महापालिका आणि इतर ठिकाणी वळविल्यावरून सभागृहात भाजप आमदार रणधीर सावरकर आणि ठाकरे गटाचे आमदार नितीन देशमुख एकमेकांना भिडलेय. यावेळी दोघांनी एकमेकांना शिवीगाळ करीत अंगावर धावून जाण्याचा प्रकार घडलाय. पालकमंत्री आकाश फुंडकर आणि इतर आमदारांनी मध्यस्थी केल्याने पुढील अनर्थ टळलाय.