इंडिया आघाडीच्या वतीनं ३०० खासदारांनी दिल्लीत मोर्चा काढण्यास सुरूवात केली. राहुल गांधी यांच्या नेतृत्वात संसद भवनापासून खासदारांनी आयोगाविरूद्ध धडक मोर्चा काढण्यास सुरूवात केली. मात्र, मोर्चाला सुरूवात झाल्यानंतर लगेच संसदेच्या गेटजवळ पोलिसांनी खासदारांना अडवलं. पोलिसांनी मोर्चा रोखताच ३०० खासदार आक्रमक झाले. सपा नेते अखिलेश यादव यांनी बॅरिगेटिंगवरून उडी घेतली. यावेळी महिला खासदारही आक्रमक झाल्याचं पाहायला मिळालं.

दरम्यान, इंडिया आघाडीचा मोर्चा पोलिसांना अडवल्यानंतर राहुल गांधी यांना बॅरिगेटिंग तोडण्याचा प्रयत्न केला. यावेळी त्यांच्यासोबत इतर नेत्यांनीही बॅरिगेडिंग तोडण्याचा प्रयत्न केला. ही दृष्य कॅमेऱ्यात कैद झाली असून, सध्या याचा व्हिडिओ व्हायरल होत आहे. पोलिसांना मोर्चाला अडवल्यानंतर ३०० खासदारांनी सरकारविरोधात घोषणाबाजी करण्यास सुरूवात केली.