पिंपरी-चिंचवड : राष्ट्रवादी काँग्रेस पक्षात फूट पडल्यानंतर पहिल्यांदाच अजित पवार आणि रोहित पवार हे एका व्यासपीठावर एकत्र आले आहेत. राष्ट्रवादी काँग्रेसच्या दोन्ही गटांमध्ये युती झाल्यानंतर पिंपरी-चिंचवड शहरातील प्रभाग क्रमांक 32 येथे हा संयुक्त कार्यक्रम पार पडणार आहे.

महापालिका निवडणुकीच्या पार्श्वभूमीवर पिंपरी-चिंचवड शहरात भाजप विरुद्ध राष्ट्रवादी काँग्रेस असा थेट सामना पाहायला मिळत आहे. या पार्श्वभूमीवर अजित पवार आणि रोहित पवार यांच्या एकत्र उपस्थितीमुळे राजकीय चर्चांना उधाण आले आहे.

संयुक्त व्यासपीठावरून दोन्ही नेत्यांनी कार्यकर्त्यांना मार्गदर्शन करताना भाजपवर जोरदार टीका करण्याचे संकेत दिले. राष्ट्रवादी काँग्रेसची ताकद दाखवत भाजपला सडेतोड उत्तर देण्याचा प्रयत्न या सभेतून करण्यात येणार असल्याची शक्यता वर्तवली जात आहे.