मुंबई : लाडकी बहीण योजनेवरून पृथ्वीराज चव्हाण यांनी केलेल्या मागणीवर उपमुख्यमंत्री अजित पवार यांनी पावसाळी अधिवेशनात प्रत्युत्तर दिलं आहे.

'तुम्ही दमडी दिली नाही आणि म्हणता ५००० रुपये द्या. शेवटी खिशात किती हे बघूनच ओवाळणी द्यावी लागते. खिसा मोकळा असेल तर फाटक्या खिशातून दमडी तरी कसे देणार, अशा शब्दात अजित पवारांनी पृथ्वीराज चव्हाण यांच्यावर टीका केली. विरोधकांच्या टीकेला प्रत्युत्तर देताना अजित पवारांनी शायरी आणि कवितेतून प्रत्युत्तर दिलं. अजित पवारांनी विंदा करंदीकर यांची 'एवढं लक्षात ठेवा' ही कविता वाचून दाखवली. अजित पवारांच्या कवितेला सत्ताधाऱ्यांसहित विरोधकांनीही हसून दाद दिली.