राज्याचे उपमुख्यमंत्री अजित पवार यांचा विमान अपघातामध्ये मृत्यू झाला. २८ जानेवारीला त्यांचे विमान बारामतीमध्ये कोसळले होते. या अपघातामध्ये अजित पवार यांच्यासह ५ जणांचा मृत्यू झाला होता. या विमान अपघाताचा आणखी एक थरकाप उडवणारा व्हिडीओ समोर आला आहे. विमान कोसळल्यानंतर त्याचे तुकडे होऊन भीषण आग लागते. विमान कोसळल्यानंतर घटनास्थळी स्थानिकांनी मोठी गर्दी केली होती. त्यावेळी जळालेल्या विमानाच्या अवषेशांमध्ये अचानक मोठा स्फोट होतो आणि सर्वजण पळू लागल्याचे या व्हिडीओमध्ये दिसत आहे. हा थरारक व्हिडीओ सध्या व्हायरल होत आहे. या विमान अपघाताचा तपास सध्या सुरू असून त्याबाबत अनेक धक्कादायक माहिती समोर येत आहे.