मुंबई: राष्ट्रवादी कॉँग्रेसच्या नुकत्याच झालेल्या बैठकीत उपमुख्यमंत्री अजित पवारांनी छगन भुजबळ यांच्या समोरच नाराजी व्यक्त केली. यावेळी अजित पवारांनी बैठकीत सांगितले की, स्थानिक स्वराज्य संस्था निवडणुकीत प्रत्येक जिल्ह्यात राजकीय परिस्थिती वेगळी आहे. युतीबाबत स्थानिक स्तरावर निर्णय घेणे गरजेचे आहे. सध्या राज्याची आर्थिक स्थिती फार भक्कम नसली तरी शेतकऱ्यांना दिलासा देण्यासाठी पॅकेज जाहीर केले आहे. विरोधकांच्या आरोपांवरून आपण थांबणार नाही, आपले सरकार काम करत आहे हे जनतेपर्यंत पोहोचवणे गरजेचे आहे. साथीच्या चर्चेत त्यांनी पुढील आठवड्यात जिल्हाध्यक्षांची बैठक बोलावून स्थानिक स्वराज्य संस्था निवडणुकीसंबंधी अधिक चर्चा करणार असल्याचे जाहीर केले. विशेष म्हणजे, बैठक दरम्यान अजित पवार यांनी छगन भुजबळ यांच्या समोरच थेट नाराजी व्यक्त केली. भुजबळ यांनी आझाद मैदानावर मराठा जीआरबाबत मांडलेली भूमिकेवर अजित पवारांनी नाराजी व्यक्त केली. काही नेते विशिष्ट जातीवर टोकाची भूमिका घेतात, ज्यामुळे पक्षाची प्रतिमा धोक्यात येते आणि पक्षाला किंमत मोजावी लागते. असे अजित पवार म्हणाले.