लोकसभा निवडणूकीत अजित पवार यांनी भाजपसोबत जात महायुतीतून सुनेत्रा पवार यांना बारामतीतून उभे केले होते. निकालानंतरही अजित पवार यांनी महायुतीसोबतच राहण्याचा निर्णय घेतल्याचे दिसत असून बारामतीच्या सर्वांगिण विकासासाठी सुनेत्रा पवार यांना राज्यसभेवर खासदार म्हणून पाठविण्याचा निर्णय घेतल्याचे दिसत आहे. बारामती लोकसभा निवडणूक हायवॉल्टेज झाली. नणंद विरुद्ध भावजय अशा सामन्यात सुप्रिया सुळे यांनी बाजी मारली. हा अजित पवारांसाठी मोठा धक्का मानला जातो आहे. यासाठी राष्ट्रवादीच्या वाट्याला येणारं मंत्रिपद आता घरातच असेल का? असा प्रश्न विचारला जातो आहे.