सोलापूर: एआय'चा वापर करून एकाच दिवशी हृदयरोगावरील तीन अतिजटिल शस्त्रक्रिया सोलापुरात करण्यात आल्या आहेत. सोलापुरातील एसीएस हॉस्पिटलमधील हृदयरोगतज्ज्ञ डॉ.जसकरण सिंग दुग्गल, डॉ. सिद्धांत गांधी आणि डॉ. प्रमोद पवार यांनी या शस्त्रक्रिया यशस्वीरित्या पार पडल्या आहेत. हृदयरोगावरील शस्त्रक्रियेत अत्यंत जटिल आणि अवघड समजल्या जाणाऱ्या आयव्हस,रोटा अब्लेशन, बायफरगेशन, अँजिओप्लास्टी, इंट्रावॅस्क्युलर लिथो ट्रिप्सी, अल्ट्रा लो कॉन्ट्रस्ट, आदी पद्धतींचा वापर करताना यात 'एआय'चा वापर करून शस्त्रक्रियेचे निदान केल्यास त्यातील अचूकता वाढते. हे वैद्यकीय संशोधनातून सिद्ध झाल्याचे डॉक्टरांनी स्पष्ट केलं आहे. पुणे,धाराशिव आणि सोलापुरातील रुग्णांवर ही जटिल शस्त्रक्रिया करण्यात आली आहे. या सर्व शास्त्रक्रियेसाठी साधारण 6 ते 7 लाख रुपये खर्च येत आहे.