अहमदनगरच्या पुणतांबा गावात ग्रामस्थांनी रेलरोको आंदोलन पुकारलं आहे, रेल्वे थांबा बंद केल्याने ग्रामस्थ आक्रमक झाले असून रेल्वे प्रशासनाविरोधात रस्त्यावर उतरले आहेत.

अहमदनगरमधील पुणतांबा रेल्वे जंक्शन येथे अनेक गाड्यांचा थांबा बंद झाल्याने ग्रामस्थ आक्रमक झाले आहे,रेल्वे प्रशासनाच्या विरोधात ग्रामस्थ रेल रोको आंदोलन करत असून, प्रचंड संख्येने ग्रामस्थ रस्त्यांवर उतरले आहेत. आंदोलनाला पाठिंबा देण्यासाठी पुणतांबा ग्रामस्थ आणि व्यावसायिकांनी गावबंद ठेवण्याचा निर्णय घेतला आहे. तसेच सकाळी 10 वाजता आंदोलनाला सुरूवात झाली आहे.

सर्व रेल्वे गाड्यांना थांबा मिळावा, तसेच पॅसेंजर त्वरित सुरू करावी. सोबतच मालधक्का पूर्ववत सुरू करावी अशा मागण्या संतप्त ग्रामस्थांच्या आहेत, मात्र याचा फटका आता वंदे भारत कोपरगाव रेल्वेला बसला आहे, रेल्वे स्थानकावर वंदे भारत ट्रेन थांबवली असून कोरोना नंतर गाड्या बंद झाल्या आहेत, त्या पूर्ववत कराव्यात अशी देखील मागणी ग्रामस्थ करत आहेत.