Kopargaon Firing News : अहमदनगरमधील कोपरगाव भरदिवसा गोळीबाराच्या आवाजानं हादरलं. या गोळीबारात तरूण जखमी झाला आहे. शहरातील स्वामी समर्थ मंदिर परिसरात ही धक्कादायक घटना घडली.

कोपरगाव शहरात भरदिवसा गोळीबार करण्यात आला. या घटनेत तरूण जखमी झाला आहे. येथील स्वामी समर्थ मंदिर परिसरात ही घटना घडली आहे. तन्वीर बालम रंगरेज असं या घटनेत जखमी झालेल्या तरुणाचं नाव आहे. घटनेनंतर त्याला तात्काळ नाशिक येथील रुग्णालयात उपचारासाठी हलवण्यात आले आहे. गोळीबार करणाऱ्याचा शोध घेण्याचं आव्हान पोलिसांसमोर आहे. हा गोळीबार नेमका कुणी आणि कशासाठी केला, याचा तपास पोलीस करत आहेत.