कस काय परळी, कसे आहात, म्हणत शनिवारी अभिनेत्री रश्मिका मंदाना हिने परळीत आपल्या अदा दाखवल्या. धनंजय मुंडे यांच्या नाथ प्रतिष्ठानतर्फे यंदा १९व्या वैद्यनाथ सार्वजनिक मोहोत्सवाचे आयोजन करण्यात आले होते. या कार्यक्रमाला साऊथची अभिनेत्री रश्मिका मंदाना उपस्थित होती. यावेळी परळीकरांशी तिने मराठीमध्ये संवाद साधत सर्वांची मने जिंकून घेतली. गणेशोत्सवाच्या तिने यावेळी शुभेच्छा देत, कार्यक्रमाचा आनंद घेण्याचे आवाहन केले. यावेळी कृषिमंत्री नर्तकीला नाचवत आहेत तर तुमच्या पोटात का दुखते आहे, असा खोचक सवाल यावेळी धनंजय मुंडे यांनी केला.