शाळेमध्ये दारू पिऊन गोंधळ घालणाऱ्या हिंगोलीतील शिक्षकावर निलंबनाची कारवाई करण्यात आली आहे. साम टीव्हीने या दारुड्या शिक्षकाचा गोंधळ घालतानाचा व्हिडिओ दाखलवा होता. त्यानंतर शिक्षणअधिकाऱ्यांनी ही कारवाई केली आहे.

हिंगोली तालुक्यातल्या मारसेलू गावात जिल्हापरिषद शाळेत हा प्रकार घडला होता. शाळेत वर्ग सुरू असताना अचानक दारूच्या नशेत तर्र शिक्षकाने येऊन गोंधळ घातला होता. गजानन वळकुते असं या शिक्षकाचं नाव आहे. या प्रकरणे ग्रामस्थांनी देखील संताप व्यक्त केला होता. स्वत: शिक्षकच असे वागत असतील तर विद्यार्थ्यांचे भवितव्य काय असा सवाल यावेळी पालकांनी उपस्थित केला आहे. ज्या शाळेच्या पवित्र जागी मुलांचे भविष्य घडणार असते तिथेच स्वत: शिक्षकाने मद्य पिऊन गोंधळ घालणे ही लाजिरवाणी गोष्ट आहे. यासंदर्भातील बातमी साम टीव्हीने दाखवली होती. त्यानंतर शिक्षणाधिकाऱ्यांनी तत्काळ कारवाई करत या शिक्षकाचे निलंबन केले आहे.