लाडकी बहीण योजनेचा लाभ घेतलेल्या सरकारी महिला अधिकारी आणि कर्मचाऱ्यांवर आता कारवाई होणार आहे. जवळपास १२ हजार महिला अधिकारी-कर्मचाऱ्यांनी ही योजना बेकायदेशीररीत्या घेतल्याचे उघड झाले आहे. यामध्ये पहिल्या टप्प्यात जिल्हा परिषदेतील तब्बल १,१८३ महिला कर्मचाऱ्यांवर कारवाई केली जाणार आहे.

महिला व बाल विकास विभागाने पाठविलेल्या यादीनुसार, या योजना लाभार्थी महिला प्रत्यक्षात जिल्हा परिषदांमध्ये अधिकारी किंवा कर्मचारी म्हणून कार्यरत आहेत. सरकारी नोकरी करत असूनही त्यांनी लाडकी बहीण योजनेचा लाभ घेतल्याचे समोर आल्याने आता त्यांच्या विरोधात शिस्तभंगाची कारवाई होणार आहे.