नाशिकमध्ये एसटी आणि ट्रकचा भीषण अपघात झाला आहे. हा अपघात इतका भीषण होता की यात आतापर्यंत चार जणांचा मृत्यू झाला आहे. मिळालेल्या माहितीनुसार चांदवड तालुक्यात राहुड घाटात सकाळी साडेनऊच्या सुमारास जळगाव वसई या बसला अपघात झाला. ही बस वसई आगारातली होती आणि वसईला निघाली होती. तेव्हा पुढे जाणाऱ्या एका ट्रकने अचानक ब्रेक दाबला आणि या एसटीचा अपघात झाला. या अपघातात चार जणांचा मृत्यू झाला असून त्यात एका 14 वर्षीय मुलाचाही समावेश आहे.