पुणे : पुण्यात नाकाबंदीदरम्यान लाखो रुपयांची रोकड सापडली आहे. लोकसभा निवडणूक सुरूये आणि या दरम्यान मोठ्या प्रमाणात पोलिस बंदोबस्त असतो. अशा वेळी पुण्यात एका गाडीत 27 लाख रुपयांची रोख रक्कम सापडली आहे. रात्री साडेदहाच्या सुमारास मुंबईकडून वाकडच्या दिशेने ही गाडी जात होती. तेव्हा पोलिसांनी ही गाडी अडवली. या गाडीची झडती घेताना ही रोकड सापडली आहे. आपण व्यावसायिक आहोत त्यामुळे ही रक्कम आपली आहे असे या कारचालकाने म्हटले आहे. पोलिसांनी सध्या ही रोकड आणि गाडी ताब्यात घेतली आहे.