राजकीय वतृळातून मोठी बातमी समोर येत आहे. पिंपरी चिंचवड मधील अजित पवार गटाच्या नगरसेवकांनी शरद पवार (Sharad Pawar) यांची भेट घेतली आहे. अजित पवार गटाच्या १४ नगरसेवकांनी शरद पवारांची भेट घेतल्याची बातमी सूत्रांकडून मिळत आहे. शनिवारी रात्री उशिरा मोदी बाग या निवासस्थानी शरद पवारांची या सगळ्या नगरसेवकांनी भेट घेतल्याची माहिती समोर येत आहे. आज सकाळी ११ वाजता पुन्हा शरद पवार आणि नगरसेवक यांच्या उपस्थितीत बैठक होणार आहे. पिंपरी चिंचवड शहरातील तब्बल 36 आजी माजी नगरसेवक हे शरद पवारांच्या संपर्कात असल्याची माहिती सूत्रांनी दिली आहे.