मुंबई : आपल्या सगळ्यांना आपले घर आवडत असते. घरातील वातावरण खेळते असेल तर आपली वास्तू देखील आनंदी राहते.

हे देखील पहा-

वास्तुशास्त्रानुसार कोणत्याही घरात वास्तुदोष असल्यास सुख, शांती आणि कौटुंबिक प्रगतीमध्ये अडथळे निर्माण होतात. वास्तुदोषामुळे निर्माण होणाऱ्या नकारात्मक ऊर्जेचा व्यक्तीच्या नशिबावर वाईट परिणाम होतो. तसेच घरातील लोकांना अनेक प्रकारच्या समस्यांना सामोरे जावे लागते. त्यामुळे घरातील माणसे सतत आजारी पडतात, घरात सतत क्लेश निर्माण होणे. आर्थिक समस्यांना सामोरे जाणे यांसारख्या गोष्टींना सामोरे जावे लागते. घरातील वास्तूदोष हटवण्यासाठी आपण अनेक प्रयत्न करुनही आपल्याला अपयश येते अशावेळी आपण काय करायला पाहिजे हे जाणून घेऊया.

१. मोहरीचे तेल (Oil) जितके पदार्थाची चव वाढवते तितकेच ते उपयुक्त ही आहे. याचा वापर करुन आपण घरात सुख-समृद्धी आणू शकतो

२. घराच्या पश्चिमेला मोहरीचे तेल एका काचेच्या (Glass) वाटीत भरून ठेवल्यास घरातील वास्तुदोष नाहीसा होतो आणि घरात समृद्धी येते.

३. एखाद्या आश्रमात मोहरीचे तेल व पीठ दान केल्यास घराला सौख्य लाभते.

४. रात्री झोपण्यापूर्वी पाण्यात मोहरीचे तेल मिसळून त्या पाण्याने हात-पाय धुतल्यास तणाव व थकवा जातो. घरातील नकारात्मक ऊर्जा जाऊन सकारात्मक ऊर्जेतही वाढ होते.

५. रोज स्नान केल्यानंतर घराच्या मुख्य दाराच्या दोन्ही बाजूंना थोडे थोडे मोहरीचे तेल टाका. यामुळे घरात सकारात्मक ऊर्जा येईल व अशुभ ग्रहांचा प्रभावही नष्ट होईल. तसेच पैशाची चणचणही दूर होण्यास मदत होईल.

६. शनिवारी वाटीत मोहरीचे तेल ठेवून त्यात आपले प्रतिबिंब पाहा व ते तेल शनी मंदिरात ठेवा. तसेच शनिदेवाला मोहरीचे तेल अर्पण करा. यामुळे शनिदेव प्रसन्न होतील.

७. व्यापारात यश मिळण्यासाठी रोज तिजोरीवर मोहरीच्या तेलाने स्वस्तिक बनवा व त्याच्या चारी कोपऱ्यांवर शेंदूर लावावा. असे केल्याने घरातील वास्तूदोष नाहीसा होईल.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.

Edited By - Komal Damudre