सोलापूर : हैदराबाद महामार्गावर दोड्डी येथे जीप आणि ट्रकच्या अपघातात (accident) मल्ल (wrestler) सिद्धाराम साखरे (Siddharam Sakhare) यांचे बुधवारी रात्री निधन झाले. कुस्तीत अखिल भारतीय स्तरावर मल्ल साखरे यांनी उज्जवल कामगिरी केली हाेती. त्यांच्या निधनानं क्रीडा (sports) क्षेत्रात हळहळ व्यक्त केली जात आहे. (wrestler siddharam sakhare passes away in road accident)

साखरे यांच्या पाठीमागे पत्नी, मुलगा, मुलगी असा परिवार आहे. साखरे हे पाेलिस (police) सेवेतून निवृत्त झाले हाेते. त्यांनी अनेक गुंडांना कायद्याचा धाक दाखविला हाेता. त्यामध्ये गुंड गजा मारणेचा देखील समावेश आहे.

साखरे यांचे भाऊ मल्लिनाथ हे देखील सहाय्यक फौजदार पदावरुन नुकतेच सेवानिवृत्त झाले आहेत. दूसरे बंधू चिदानंद हे हवालदार म्हणून सध्या कर्तव्य बजावत आहेत. मल्ल साखरे यांनी सन १९८० कालावधीत सोलापुरात (solapur) बाला रफीक शेख यांना पराभव केल्याचा किस्सा आजही क्रीडा क्षेत्रात विशेषत: त्यांच्या बोरामणी ग्रामस्थांच्या स्मरणात आहे.

Edited By : Siddharth Latkar