पोलंड येथे सुरू असलेल्या जागितक युवा अजिंक्यपद स्पर्धेत (World Youth Championships) भारताच्या तिरंदाजांनी आपला डंका वाजवला आहे. शनिवारी भारताच्या प्रिया गुर्जर, परनीत कौर आणि रिधु सेंथीलकुमार यांनी १८ वर्षांखालील कम्पाऊंड कॅडेट महिला संघाच्या अंतिम सामन्यात चांगला खेळ करत २२८-२१६ ने तुर्कीच्या संघाला हरवले.

भारताच्या १८ वर्षांखालील मुलींच्या या संघानं पात्रता फेरीत विक्रमाची नोंद केली होती. परनीत कौर, प्रियागुर्जर व रिधु सेंथीलकुमार या खेळाडूंनी पात्रता फेरीत २१६० पैकी २०६७ गुणांची कमाई करताना विक्रम नोंदवला होता. आधीच्या विश्वविक्रमाच्या तुलनेत भारतीय संघानं २२ गुण मिळवले होते.