वर्ल्डकप २०२३ स्पर्धेतील अंतिम सामना येत्या १९ नोव्हेंबर रोजी अहमदाबादच्या नरेंद्र मोदी स्टेडियमवर रंगणार आहे. २०१९ मध्ये झालेल्या वर्ल्डकपच्या अंतिम सामन्यात इंग्लंड आणि न्यूझीलंड हे दोन्ही संघ आमने सामने आले होते.
हा सामना टाय झाला होता. त्यानंतर सुपर ओव्हरचा थरार रंगला. सुपर ओव्हर देखील टाय झाली. शेवटी बाऊंड्री काऊंटमुळे इंग्लंडला विजेता घोषित करण्यात आलं होतं. यावेळी असं काही झाल्यास, कसा लावला जाईल निकाल? जाणून घ्या.
वर्ल्डकप २०२३ स्पर्धेत बाऊंड्री काऊंटचा नियम लागु केला जाणार नाही. अंतिम सामना टाय झाल्यास, सुपर ओव्हर खेळवली जाईल. मात्र सुपर ओव्हर टाय झाल्यास बाऊंड्री काऊंटचा नियम लागु केला जाणार नाही. अशी स्थिती उद्भवल्यास दुसरी सुपर ओव्हर खेळवली जाईल. जोपर्यंत सामन्याचा निकाल लागत नाही तोपर्यंत सुपर ओव्हर खेळवली जाईल.
इंग्लंड-न्यूझीलंड सामन्यात काय घडलं?
वर्ल्डकप २०१९ च्या अंतिम सामन्यात इंग्लंड आणि न्यूझीलंड हे दोन्ही संघ आमने सामने आले होते. या सामन्यात न्यूझीलंडने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना न्यूझीलंडने ५० षटक अखेर ८ गडी बाद २४१ धावा केल्या.
या धावांचा पाठलाग करण्यासाठी आलेल्या इंग्लंडचा डाव देखील २४१ धावांवर संपुष्टात आला. हा सामना टाय झाला,त्यामुळे सुपर ओव्हर खेळवली गेली. (Latest sports updates)
सुपर ओव्हरमध्ये फलंदाजी करताना इंग्लंडने १५ धावा केल्या. या धावांचा पाठलाग करण्यासाठी आलेल्या न्यूझीलंडला देखील १५ धावा करता आल्या. सुपर ओव्हर टाय झाल्यानंतर बाऊंड्री काऊंटच्या बळावर इंग्लंडला वर्ल्ड चॅम्पियन घोषित करण्यात आलं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.