IND vs WI 4th T20I : भारत विरुद्ध वेस्ट इंडिज यांचा चौथा आंतरराष्ट्रीय टी-२० सामना सुरू आहे. हा चौथा सामना अमेरिकेच्या फ्लोरिडा येथील सेंट्रल ब्रोवर्ड स्टेडियमवर सुरू आहे . या सामन्यात वेस्ट इंडिजने नाणेफेक जिंकत प्रथम फलंदाजी करण्याचा निर्णय घेतला. वेस्ट इंडिजने २० षटकात ८ गडी गमावून टीम इंडियासमोर १७९ धावांचं दिलं आहे. करो या मरो सामन्यात भारताच्या खेळीकडे साऱ्यांचं लक्ष असणार आहे. (latest Marathi News)

वेस्ट इंडिजने नाणेफेक जिंकून प्रथम फलंदाजी करण्याचा निर्णय घेतला. वेस्ट इंडिजने पहिल्या पॉवर प्लेमध्ये जोरदार खेळी खेळली. मात्र, अर्शदीप सिंगने केयल मेयर्सला बाद करत वेस्ट इंडिजला मोठा धक्का दिला.

पहिल्या पॉवरप्लेमध्येच अर्शदीपने वेस्ट इंडिजला दोन धक्के दिले. पॉवर प्लेनंतर कुलदीप यादवच्या फिरकीची जादू जोरदार चालली. कुलदीपने निकोलस पूरनला आणि कर्णधार रोव्हमन पॉवेलला प्रत्येक एक धावावर बाद केले.

वेस्ट इंडिजचे चार गडी बाद झाल्यानंतर शाय होप आणि शिमरॉन हेटमायर मैदानावर होते. या दोघांनी संघाचा डाव सांभाळला. शाय होप आणि शिमरॉन हेटमायर यांनी पाचव्या विकेटसाठी ४९ धावांचा भागीदारी रचली. दोघेही संघासाठी योगदान देत असताना या दोघांची भागीदारी युझवेंद्र चहलने फोडली. (Latest Cricket News)

होप बाद झाल्यानंतर शिमरॉन हेटमायरने संघाची कमान सांभाळण्याचा प्रयत्न केला. हेटमायरने या सामन्यात अर्धशतकी खेळी खेळली. हेटमायरने ३५ चेंडूत अर्धशतक ठोकलं. वेस्ट इंडिजने २० षटकात ८ गडी गमावून १७८ धावा ठोकल्या.