सातारा : वेस्ट इंडिजविरुद्धच्या (West Indies) टी-२० मालिकेतून भारतीय फिरकीपटू वॉशिंग्टन सुंदर (Washington Sundar) संघातून बाहेर पडला आहे. वेस्ट इंडिजविरुद्ध नुकत्याच झालेल्या एकदिवसीय मालिकेत वॉशिंग्टन सुंदरचे (Washington Sundar) पदार्पण झालं हाेते. परंतु नुकत्याच झालेल्या दुखापतीमुळं त्याला पुन्हा विश्रांती देण्यात आली आहे. (Washington Sundar has been ruled out of the Twenty20 series against West Indies)

वॉशिंग्टन सुंदरला तिसऱ्या एकदिवसीय सामन्यात क्षेत्ररक्षण करताना डाव्या हाताच्या स्नायूचा ताण आला होता. त्यामुळं त्याला विश्रांतीची गरज असल्याने त्याच्या जागी कुलदीप यादवची (Kuldeep Yadav) निवड करण्यात आली आहे असं बीसीसीआयने (BCCI) नमूद केले आहे.

वॉशिंग्टनला आज (मंगळवार, ता. १५ फेब्रुवारी) एनसीएमध्ये (National Cricket Academy) (nca) उपस्थित रहावं लागेल. त्यानंतर तेथेच त्याला तीन आठवडे रहावे लागतील. सुंदरने सध्या कोलकात्यात असलेल्या भारतीय छावणीतून बाहेर पडला. भारतीय संघाचे सोमवारी (१४ फेब्रुवारी) संध्याकाळी कोलकाता येथील ईडन गार्डन्सवर सराव सत्र झाले (IND VS WI).

दरम्यान शनिवारी आयपीएल मेगा लिलावात, सुंदरला सनरायझर्स हैदराबादने 8.75 कोटी रुपयांना खरेदी केले आहे.

भारताचा T20I संघ

रोहित शर्मा (कर्णधार), इशान किशन, विराट कोहली, श्रेयस अय्यर, सूर्य कुमार यादव, ऋषभ पंत (यष्टीरक्षक), व्यंकटेश अय्यर, दीपक चहर, शार्दुल ठाकूर, रवी बिश्नोई, युझवेंद्र चहल, मोहम्मद. सिराज, भुवनेश्वर कुमार, आवेश खान, हर्षल पटेल, रुतुराज गायकवाड, दीपक हुडा, कुलदीप यादव.

Edited By : Siddharth Latkar