Virat Kohli Statement On Rohit Sharma Captaincy:

विराट कोहली आणि रोहित शर्मा या जोडीने भारतीय क्रिकेटला एक वेगळा दर्जा प्राप्त करून दिला आहे. वनडे, टी -२० आणि कसोटी या तिन्ही फॉरमॅटमध्ये दोघंही शानदार कामगिरी केली आहे. आयपीएल २०२४ स्पर्धेतील २५ व्या सामन्यात दोन्ही खेळाडू एकमेकांविरुद्ध खेळताना दिसून येणार आहेत. दरम्यान या सामन्यापूर्वी कर्णधार विराट कोहलीने माजी कर्णधार रोहित शर्माबद्दल मोठं वक्तव्य केलं आहे.

विराट कोहली हा आयपीएल स्पर्धेच्या पहिल्या हंगामापासून रॉयल चॅलेंजर्स बंगळुरू संघाचं प्रतिनिधित्व करतोय. तर दुसरीकडे रोहित शर्मा मुंबई इंडियन्स संघाकडून खेळतोय. दोन्ही खेळाडू आपल्या संघाचे आधारस्तंभ आहेत. मात्र जेव्हा जेव्हा संधी मिळते, तेव्हा एकमेकांचं कौतुक करायला मागचा पुढचा विचार करत नाही. रोहितला भारतीय संघाचं नेतृत्व करताना पाहणं शानदार आहे, असं भारताचा माजी कर्णधार विराट कोहली म्हणाला आहे. (Cricket news in marathi)

विराट म्हणाला की, ' मी रोहितची एक खेळाडू म्हणून प्रगती होताना पाहिली आहे. त्याने आपल्या कारकीर्दीत जे काही केलं आहे, ते मी अगदी जवळून पाहिलं आहे. आता तो भारतीय संघाचं नेतृत्व करतोय. हा एक शानदार अनुभव आहे.'

विराट कोहलीला कर्णधारपदावरून काढल्यानंतर ही जबाबदारी रोहित शर्माकडे सोपवण्यात आली. सध्या तो तिन्ही फॉरमॅटमध्ये भारतीय संघाचं नेतृत्व करतोय. तर विराट कोहली त्याच्या नेतृत्वाखाली खेळतोय. हे दोघेही आधी बरेच वर्ष एमएस धोनीच्या नेतृत्वाखाली खेळले. धोनीने कर्णधारपद सोडल्यानंतर ही जबाबदारी विराट कोहलीकडे सोपवण्यात आली. मग रोहित शर्मा विराट कोहलीच्या नेतृत्वाखाली खेळला. आता विराट कोहली रोहितच्या नेतृत्वाखाली खेळतोय.