आयपीएल २०२६ मध्ये सिझनमध्ये रॉयल चॅलेंजर बंगळूरू खूप चांगली कामगिरी करतेय. इतकंच नाही तर विराट कोहली देखील चांगली कामगिरी करतोय. ज्यावेळी विराट मैदानावर उतरतो तेव्हा कोणता ना कोणता रेकॉर्ड होतोच. असंच आयपीएल २०२६ मधील आरसीबीच्या जवळपास प्रत्येक सामन्यात ही गोष्ट खरी ठरतेय.

आज धर्मशालामध्ये पंजाब किंग्सविरुद्ध फलंदाजीला येऊन कोहलीने इतिहास रचला. या सामन्यापूर्वी कोहलीने १२ सामन्यांमध्ये ४८४ रन्स केले होते. तर पंजाबविरुद्धच्या १६ रन्ससह त्याने या सिझनमध्ये ५०० रन्स पूर्ण करून इतिहास रचला.

विराट कोहलीचा नवा विक्रम

कोहलीने एक असा नवा विक्रम आपल्या नावे केला आहे. विराटचा हा विक्रम इतर कोणत्या फलंदाजाकडून मोडीत निघेल याची शक्यता कमी आहे. विराट कोहली हा इतिहासातील एकमेव फलंदाज ठरला आहे, ज्याने नऊ वेगवेगळ्या आयपीएल सिझनमध्ये ५०० किंवा त्याहून अधिक रन्स केले आहेत.

कोहलीने २०११, २०१३, २०१५, २०१६, २०१८, २०२३, २०२४, २०२५ आणि २०२६ मध्ये ५०० पेक्षा जास्त रन्स केलेत. ईडन गार्डन्सवर केकेआरविरुद्धच्या शेवटच्या सामन्यात विराटने शतक झळकावलं होतं. कोहलीने त्या सामन्यात अवघ्या ६० बॉल्समध्ये नाबाद १०५ रन्स केले होते. तर आज पंजाबविरुद्ध ३७ चेंडूंमध्ये ५८ रन्सची खेळी केली.

सचिनचा महारेकॉर्ड तोडला

विराट कोहलीने सचिन तेंडुलकरचा रेकॉर्ड मोडला आहे. वयाच्या ३५ व्या वर्षी एकाच आयपीएल सिझनमध्ये ५०० पेक्षा जास्त रन्स करण्याचा विक्रम त्याने सचिन तेंडुलकरच्या पुढे नेला आहे. सचिनने हा पराक्रम दोनदा केला होता तर कोहलीने तीनदा हा पराक्रम करून इतिहास रचलाय.

वयाच्या ३५ वर्षांनंतर सर्वाधिक ५०० पेक्षा जास्त रन्स करणारे खेळाडू

• विराट कोहली - 3 वेळा (2024, 2025, 2026)

• सचिन तेंडुलकर - 2 वेळा

• फाफ डू प्लेसिस - 2 वेळा

• सनथ जयसूर्या - 1 वेळा

• मायकेल हसी - 1 वेळा

• डेव्हिड वॉर्नर - 1 वेळा

• शिखर धवन - 1 वेळा

• शेन वॉटसन - 1 वेळा