RR vs RCB Virat Kohli Record In IPl:

आयपीएल २०२४ मधील १९ वा सामना आज रॉयल चॅलेंजर्स बेंगळुरूची भिडत राजस्थान रॉयल्सशी होणार आहे. हा सामना सवाई मानसिंह स्टेडियमवर होणार आहे. या सामन्यादरम्यान विराट कोहली एक विक्रम करेल. या विक्रम करण्यासाठी विराट कोहलीला फक्त ३४ धावांची आवश्यकता आहे. (Latest News)

काय आहे विक्रम

विराट कोहलीने आयपीएलमध्ये आतापर्यंत २४१ सामने खेळले आहेत. या दरम्यान २३३ डावांमध्ये त्याने ३७.७ च्या सरासरी आणि १३०.२९ च्या स्ट्राइक रेटने ७४६६ धावा केल्यात. या स्पर्धेत विराट कोहलीने ५२ अर्धशतके आणि ७ शतकं केली आहेत. तर आयपीएलच्या इतिहासात तो सर्वाधिक धावा करणारा फलंदाज आहे. जर आज विराट कोहली ३४ धावा काढेल तर तो आयपीएलमध्ये ७५०० धावा पूर्ण करणारा फलंदाज ठरेल. आयपीएलमध्ये इतक्या मोठ्या धावा करणारा फलंदाज म्हणून तो पहिला क्रिकेटर असेल.

आयपीएलमध्ये सर्वाधिक धावा करणारे फलंदाज

• विराट कोहली - ७४६६ धावा

• शिखर धवन - ६७५५

• डेविड वॉर्नर - ६५४५

• रोहित शर्मा - ६२८०

• सुरेश रैना - ५५२८

आयपीएलमध्ये कोहलीचं विराट प्रदर्शन

आयपीएल २०२४ मध्ये विराट कोहलीच्या आतापर्यंतची कामगिरी ही विराट राहिलीय. त्याने ४ सामन्यात ६७.६७ च्या सरासरीने आणि १४०.९७ च्या स्ट्राइक रेटने २०३ धावा केल्या आहेत. विराट कोहलीने यंदाच्या सत्रात आतापर्यंत २ अर्धशतके झळकावली आहेत.

चेन्नई सुपर किंग्सविरुद्धच्या पहिल्या सामन्यात कोहलीने २० चेंडूत २१ धावा केल्या होत्या. पंजाब किंग्जविरुद्धच्या दुसऱ्या सामन्यात विराटने ४९ चेंडूत ७७ धावांची खेळी केली. किंग कोहलीने कोलकाता नाईट रायडर्सविरुद्ध ५९ चेंडूत ८३ धावांची नाबाद खेळी खेळली. तसेच मागील सामन्यात विराटने लखनऊ सुपर जायंट्सविरुद्ध २२ धावा केल्या होत्या.

मैदानात उतरताच मोठ्या रेकॉर्डची नोंद

आयपीएल २०२४ स्पर्धेतील १५ वा सामना रॉयल चॅलेंजर्स बंगळुरु आणि लखनऊ सुपरजायंट्समध्ये झाला. या सामन्यात विराट कोहली मैदानात उतरताच त्याच्या नावे खास विक्रमाची नोंद झाली. विराट कोहली आयपीएल स्पर्धेच्या पहिल्या हंगामापासून रॉयल चॅलेंजर्स बंगळुरु संघाचं प्रतिनिधित्व करतोय.या संघासाठी त्याने आतापर्यंत २४१ सामने खेळले आहेत. दरम्यान लखनऊ सुपरजायट्ंस संघाविरुद्ध सुरु असलेला सामना हा त्याचा एम चिन्नास्वामी स्टेडियमवरील १०० वा सामना होता.